Lea Bacher
OIM
Wia sitzn auf da oim am lågafeia und hazn gscheid ae
Weis nua sechzehn grad håd
Am nächstn dåg in da fruah gemma
Schwoazbean brockn mit am schwoazbea riffl
Und måchn an steaz
Setzn uns aufs bankal ind sonn
Und schaun den kiahn beim gråsn zua
Bei da jausn sitz ma daun in da kuchi
Du beißt åbwechslnd
Am wiaschtl, am guakal, am kás und am brot ó
„Wås braucht ma an barista kaffee ausm siebtn beziak,
Wemma an löslichen müüchkaffee auf da hittn håm kó?“, frågst
Wiast so då sitzt, in deim kabúznbulli, da haum und de gummistüfe
Kummts ma gaunz sötsåm voa
Dåssd unta da wochn
Joanalist in da stådt bisd
Text von der Autorin vorlesen lassen
Lesen Sie auch unsere Printausgabe!
