Ulrike Titelbach
KOZN UND VÖGÖ
da oma iare liabstn vicha woan de vögö. dawei iss söwa
nia ausgflogn. si woa in gaunznd dog dahoam
hod kochd, aufgramd und bügöt.
oba waun zeid woa, hod si si a weng
zan fensta hi ghugd und hod aussi gschaud.
wei doatn, rund ums vogehaisl do had si si ogschbüd.
do san de vögö gsessn haufnwais, haum si in bauch voigschlong
mid oi de gaunzn keandl, dewoss eana doatn ausgschdraad hod.
netta gaunz sötn hod si a koz vaiad in unsan goatn.
Sötn – und oiwei neta amoi. mistvicha schiache!
do hod de oma nochand oan vo iare schlapfm
auszong und hods beim fensta aussi züüd.
daun is da schlapfm gflong – und si hod oiwei droffm.
Lesen Sie auch unsere Printausgabe!
