I bin ois junga Bui scha gwéin,
a echta gluana Lump.
Zigreddn g’racht, die Kotz seggiat,
Bier drunga scha, auf pump.
Die Pfoat héing va da Housn ausa,
d´Schuich valian die Souhln,
und gstod in d´Schui géihn, wia sís ghead,
auf d’ Wiesn umatoulln.
Wos is nit ois, säud oll déi Joa,
auf insra Wöd bossiad?
Sou hod déi Zäut, wea häd si ’ s dochd,
van gluan uan großn Lumpm gmocht.
erschienen in unserer PDF-Beilage zur Nummer U84–85
mehr über Norbert Johannes Prenner
Lesen Sie auch unsere Printausgabe!
