Büdl im Büdl im Büdl
ausm unendlichn Spiaglkabinett
befrein mi zwoa Schritt
und hinta mir heschts wieder auf
mit oan Büdl
Füm im Füm im Füm
da unaufhörliche Fümstrudl entreißt
uns dei Hond
di strudelts oiwei weita oche
in Füm in Füm in Füm
nach Ewigkeitn im Strudl
hebst dein Blick
dein unzfriedna Gschmack
wüst ausspuckn
unsare Händ ziachnd
di ins Longsome
de Sekunden herobn sand
kaum aufglodn
nit aufdringlich
nit grö
nit laut
gonz kloa woxt dei Staunen
entdeckst dei Lebnsbüdl wieder?
erschienen in unserer PDF-Beilage zur Nummer U84–85
mehr über Cornelia Allmayer-Krieg
Lesen Sie auch unsere Printausgabe!
