Dialektliteratur aus Kärnten Archive - Morgenschtean

Elisabeth Hafner
SCHWOAZES ES LIEGT LEI ON DIA

Elisabeth Hafner
ES LIEGT LEI ON DIA

du muasst lei a bissl mea liabn
nocha warat ois guat
du muasst lei a bissl freindlicha wern
donn kloppt des schon mit uns zwa
und kochst holt noch a bissl bessa
es liegt lei on dia
wonn du nit so stua warast
wos mochst denn fir a finstas gsicht
de ondren fraun sand
vül freindlicha zu senare manda
de gresstn gauna
hobn seggewohl de liabstn fraun
host du imma behauptet
najo du werst es wohl wissn

erschienen in unserer PDF-Beilage zur Nummer U82–83
mehr über Elisabeth Hafner

Lesen Sie auch unsere Printausgabe!

zur Ausgabe U82-83

Monika Kazda
HERBST

Heit bin i gongan durchn Wold, durchs Lab
Send die Blattln goldn von de Bama getonzt
Homb mei Gsicht berührt
Hob in Hergott gspürt
De vaeiste Seel
Bei Monchen apperts im Olta außa
Dos Eis dos se sich zua glegt hobn
schmülzt dahin
Jetzt wird ois freiglegt
Und es tuat noch imma weh
Host geglabt es is ois vagessn
Oba jetzt appats aussa
Und imma noch reast drüba
Bei Monchn bleibts Eis
Bei denen tauts erst im Krematorium auf

erschienen in unserer PDF-Beilage zur Nummer U82–83

Lesen Sie auch unsere Printausgabe!

zur Ausgabe U82-83

Elisabeth Hafner
SCHWOAZES MURGGALE

marandjosef
is des a schwoazes murggale
sogn de leit zur klanen gitschn
so a schwoarzes murggale
se schaugn zum vota
es is earm wia ausm gsicht gschnittn
de muatta was nit recht
wia se des kindle
dos se aus ihr außazogn hobn
gernhobn soll
ob se sich richtig gfrein derf
hot se nit imma ghert
nua de blondn de blauäuglatn
san de gonz richtign poppalan
oba ban nextn kind is e ois ondas
des biable hot strohblonde hoar
und himmelblaue äugalan