Kategorie: Neiche Fetzn, Oide Hadern

Michaela Kurcsics
Da Mutta ia Mauntlschiatzn

                                                                                                                         

Waun i and Mutta denk,
hots a Mauntlschiatzn au,
owa ob des wirkli stimmt,
was i eigntli gor nimma.

Wei wias gstoam is,
woa i erst ochti,
sie woa jo hoit do
die Mutta vo da Oma.

Und hiatz im Summa
trogt die Oma Mauntlschiatzn,
und bei jedn aundan Musta,
frog i sie, ob de neich is.

Daun sogts nia imma,
na, gor nit, de hots a
vo da Mutta aufghom,
de is no schei, gö?

Daun eazöts davo, dasd Mutta
jo kane mehr braucht hot,
wias do die gaunze Zeit
nia mehr im Bett glegn is.

Und wann i and Mutta denk,
liegts wirkli imma im Bett,
drum glaub i a gor nit,
dassi ia Gwaund gsehn hätt.

Is des oiso mei Erinnarung
oda kimt des ois vo da Oma,
teilts iare Erinnarungn mit mia,
iwad Mutta und iare Mauntlschiatzn?

****