De Doris woa nu a kloans Medal
und bei ihra Oma des erste Moi
zan Besuch üba d'Nocht.
Do hods a schreckliche Entdeckung gmocht.
Vorm Bettgen hom se beide im Bod gwoschn.
Auf oamoi hod die Oma ihre Zent in da Hond
und schrubbelt midn Zentbirschtl drauf umanond.

...

Oamui nau a Lausbui sei, jung und unbeschwead,
si nix scheißn meïssn um deïs, wos si sou ghead,
af an freïmdn Ocka Pfoffadadscharln broucka,
Föwapfeifarl schnitzn, und mit deï daunn Vougarln aunloucka,
ban Moahoufdeich Muich und Kaulquappm faunga,
iwan Zaun zan Nochban umi nouch zeidiche Äipfün glaunga,
ban Krebsnboch hoamlich Feia hazn
und frech voun da Schindabruck owischlatzn,
Greïscharln und kloani Stoan afd Schienan leïgn,
...

I steh in deim klan Zimma
De Obendsunn – a Schimma
streift deine weichn Händ
Klinisch san de weißn Wänd
Du schaust mi net wiakli au
Sitzt anfoch nua do hidau
Du host so vü ognumma
Duast imma mehr vastumma

...

vo die Kinder war d Red
vo ihre drei
und dass si
a Lieblingsmadl hat
groaß worn sein d Augn
weit offn ihre Ohrn

...

woa kloane mäezn treffn se in da kindagoatengarderowe,
de oa oewe met ihra mamme, de onda oewe met ihra aanl:

(de oa)
wohnst du hiaz bei deina großmuatta
oder bei deina mamme?

...

Bei da Oma im Goatn hats ois gebn:
Erbsen, Himbeern, Oadaxl,
a Bankl wo ma si an Schiefer
einzogn hat am Hintern.
Zigeuneräpfl, weiße Kirschn,
Sauraumpfer und Bockbart zum Knatschn,
batzwoache Birn, Ribisel, Paradeiser.
...

net aufpassd
des paumpaledschl
gstolpert
s knie aufgschlogn
schneidig aufgstaundn
owa pleat
muattas kittl gsuacht
dass s rotz
oputzn kaun
....

Da pamarantschnbua bin i.
Hinter meiner kugeln orangen,
vorder meiner kuglst du.
Schupfst hoit du die kloan,
oft treib i die großn.
Biawei, dianei, antnfeder.
Pamarantschnhansei, nudeldicke mötz.

....